نوادر الرئيس محمد حسنى مبارك

نوادر حسنى مبارك




الرئيس حسني مبارك بالطيارة قرر يرمي 100 جنيه
يفرح بها عائلة مصرية
قالت زوجته: خليهم خمسينتين وفرح عايلتين
قال ابنه: خليهم 25 وفرح أربع عوايل
قال كابتن الطيارة: يا عم أرم نفسك وفرح 70 مليون مصري.
------------ --------- --------- --------- --------- --------- --------- --------- --------- --------- --------- ---
علاء مبارك شارك في من سيربح المليون ......
وصل لآخر سؤال، السؤال: من هو أكبر حرامي في مصر ؟
طلب مساعدة صديق واتصل بأخوه جمال وقاله السؤال
رد عليه أخوه: انسحب باللي كسبتوا وما تخسرش أبوك!!

------------ --------- --------- --------- --------- --------- --------- --------- --------- --------- --------- ---

------------ --------- --------- --------- --------- --------- --------- --------- --------- --------- --------- --------- --------- --------- --------- --------- --------- --------- ---


مبارك : عارف يا ابليس ياخويا, انا عاوز اعمل في الشعب المصري حركه تطلع من نافوخهم
أبليس : طب هات ودنك وخد الفكره دي .....وش وش وش وش
مبارك : لالا يا ابليس الفكره دي مش نافعه , عاوز حاجه أشد
أبليس : طب خد دي ...... وش وش وش وش
مبارك : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه
وش وش وش وش وش
ابليس : لا يا راجل حرام عليك

------------ --------- --------- --------- --------- --------- --------- --------- --------- --------- --------- ----


واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5 مليون $ دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل : " و في المتوسط الناس بتتبرع بكام"
الرجل الثاني : " من 5 الى 10 لتر بنزين .


------------ --------- --------- --------- --------- --------- --------- --------- --------- --------- --------- --------- --------- --------- --------- --------- --------- --------- --------- --------- --------- --------- --------- --------- ---


كان حسني مبارك فى سرير المرض حينما أخذ يلقى بوصاياه الأخيرة لوزيره احمد نظيف :
- وصيتك الحكم من بعدى يا احمد ...
- فى رقبتى يا ريس .. كله تمام والسلطة هياخدها جمال ...
- ثم راح فى غيبوبة .. أفاق منها بعد قليل ...
- وصيتك الشعب من بعدى يا احمد .
- ما تخافش يا ريس .. الشعب ياكل الزلط ...
- ثم راح فى غيبوبة .. أفاق منها بعد قليل ...
- احمد ...
- نعم يا ريس؟
- بس ماتنساش .. توكيل الزلط لعلاء


------------ --------- --------- --------- --------- --------- --------- --------- --------- --------- --------- --------- --------- --------- --------- --------- --------- --------- -


كان حسني مبارك بيخطب في الشعب ... فكل شويه واحد يقوم ويقول ...
عاش حسني مبارك موحد الاديان ويقعد ...
يروح حسني مكمل كلامه وشويه ويقوم الراجل ... ويقول عاش حسني مبارك موحد الاديان ...
اتمسك من امن دوله وطااااااااخ ...

ويقولوله ايه الي انت بتقوله إيه دا ... ازاي موحد الاديان ؟؟؟ ...
دي مصر فيها مسيحين ويهود ومسلمين وطااااااخ ...
فرد عليهم يا باشا .... ماهوه موحد الأديان علشان هوه اللي مكفرنا كلنا


------------ --------- --------- --------- --------- --------- --------- --------- --------- --------- --------- --------- --------- --------- --------- --------- --------- ---------

واحد سأل المغنى سعد الصغير ... إنت ما غنيتش للريس ليه زى الباقيين ....

سعد الصغير قاله : إزاى طبعاً غنيت !!!

قاله : غنيت إيه ؟؟؟

سعد الصغير قاله : غنيت له طبعاً " بحبك يا حمار " ...

------------ --------- --------- --------- --------- --------- --------


بيقولك واحد تانى لقى الفانوس السحرى ودعكه طلعله العفريت
و قالــــــه: شبيك لبيك تطلب أيه ؟
قاله الراجل : أنا عايز كوبرى بين القاهره و أسوان
العفريت قاله : دى صعبه قوى .. نقى حاجه تانيه
الراجل قاله : خلاص خلى حسنى مبارك يسيب الحكم
العفريت قاله : أنت عايز الكوبرى رايح جاى ولا رايح بس






ملحوظه(في حاله وصل هذا الكلام للريس فانا احب اقوله انا بحبك ياريس جدا بس بحب اهزر معاك شويه)

نعم ياعم الناس دى مبيحبوش الهزار دة انت كنت تقيل اوى
هههههههههههههههههه
بس تصدق
من وجهة نظرى دة اجرء مقال اتكتب
انت طلعت جاااااااااااااااااامد اوى يا مهندس لطفى
والنكتة التانية اتحكتلى ان بعد ما وشوش ابليس ابليس قال حرام عليك
اشهد ان لا اله الا الله محمد رسول الله
هههههههههه
فاهمنى ولا اية

ههههههههههههههه يعنى ابليس كفر وارتد عن كفرة باسلامة

ههههههههههههههههه
انا عارف ان هما مابيحبوش الهزار
والله النكت دى عندى من زمان بس كنت خايف اكتبها
وبعد كده قولت لو انا كتبتهاايه اللى هيحصل
فاتوكلت على الله
وكتبتها

ههههههههههههههه
بجد موضوع جامد بس يارب اللى مشاركين فيه ميا خدهمش امن الدوله بس
اهم حاجه دكاتره القانون بتوع المنتدى يقفوا جنبنا لو حصلنا اى حاجه