الرئيسية
أحدث الصور
التسجيل
دخول
من طرف الله أكبر الله أكبر ..(أذان الظهر)..
يارب.. يارب بحق ده الآدان تنجح يا حماده يابن ابنى وأشوفك دكتور أد الدنيا
ياستى بس أنا فى تجارة
وماله يابنى هو يكتر على ربنا. ده ربنا قادر على كل شئ
ياستى ونعم بالله بس اللى بيطلع دكتور لازم يكون فى كلية الطب مش التجارة
ياللا تجارة تجارة ... ومالها التجارة ... دى حتى التجارة شطارة .. ده الله يرحمه جدك كان تاجر فى الوكالة أد الدنيا
ياستى التجارة اللى فى الوكالة حاجة واللى فى الكلية حاجة ثانية
ع العموم شد حيلك أنت وأنا أخلى جدك يخدك معاه الوكاله عشان تتدردح وتتودك فى السوق
جدى إيه اللى هايخدنى معاه ده جدى مات من زمان ياستى
يامصيبتى عبد الواحد مات .. ياحبيبى ياأخويا .. مكنش يومك ياسبعى
ياستى ده مات من تلاتين سنة
تلتين سنه .. ده العمر بيجرى ياولاد تصدق ولا حسيت بيهم ياللا أهو غار فى داهيه قطع وقطعت سيرته .. ده كان بخل الدنيا فيه .. ان ما عمره دخل عليه ببطيخة ولاكيس جوافة
ياستى حرااام عليكى أذاكر بقى
يوه .. وأنا ماسكاك ياوله .. ذاكر ... ذاكر عشان ربنا يكرمك وتنجح وتاخد الدبلون
دبلون إيه .. اسمه البكالوريوس
أنت بتضحك عليه ياوله .. اسمه الدبلون .. الواد ابن فايزة جدع زيك كده فى مدرسة التجارة وخد الدبلون
خلاص دبلوم دبلوم سيبينى بقى عشان أذاكر
ذاكر .. ذاكر يا أخويا ذاكر ... تعرف ياواد ..ندرن عليا يوم ماتنجح لأكون رايحه خاطبالك عبير بنت رئيسه دى ايه ياواد .. أدب وأخلاق .. وعلام كمان
ياستى عبير دى معاها إعدادية
وماله يابنى ... الراجل ما يعبهوش إلا جيبه
راجل ... راجل مين ... عبير دى بنت
عبير ... عبير مين ياوله .. انت بتعرف بنات من ورانا
لا إله إلا الله أبوس رجلك أرحمينى بقه
طب ذاكر ذاكر جتك نيله وانت طالع براوى كده زى أمكقطعت وقطعت سيرتها...أنامش عارفه أبوك كان اتجوزها على إيه .. حكم ... قال لبس البوصة تبقى عروسة .. بس والله لأكون مبوظه الخطوبة دى ومجوزاه أنيسة بنت أختى
خخطوبة إيه .. أبويا متجوز أمى من خمسة وعشرين سنة وبعدين أنيسة دى بنت أخوك مش بنت أختك .. وأساسا إنتى ملكيش إخوات بنات
صحيح ياوله .. أنت عندك حق أنا مليش أخوات بنات .. أصلى أنا امى ماكنتش بتخلف صبيان
حراااااام ستى ماتطلعى البلكونة شويه ... ده الهوا حلو بره ..
لأ ياخويا فى جدع كده حليوه وشعره مسبسب فى البلكونه اللى فى الوش بيقعد يعاكسنى
خلاص روحى المطبخ ... أهو زمان أمى خلصت الرز ..
رز ... رز إيه يابنى * هوأنا ليه سنان للرز ... أناهطلع البلكونه أحسن ..
طب أبقى خلى بالك م الهوى ياستى
هوى لما يلطشك
يارب.. يارب بحق ده الآدان تنجح يا حماده يابن ابنى وأشوفك دكتور أد الدنيا
ياستى بس أنا فى تجارة
وماله يابنى هو يكتر على ربنا. ده ربنا قادر على كل شئ
ياستى ونعم بالله بس اللى بيطلع دكتور لازم يكون فى كلية الطب مش التجارة
ياللا تجارة تجارة ... ومالها التجارة ... دى حتى التجارة شطارة .. ده الله يرحمه جدك كان تاجر فى الوكالة أد الدنيا
ياستى التجارة اللى فى الوكالة حاجة واللى فى الكلية حاجة ثانية
ع العموم شد حيلك أنت وأنا أخلى جدك يخدك معاه الوكاله عشان تتدردح وتتودك فى السوق
جدى إيه اللى هايخدنى معاه ده جدى مات من زمان ياستى
يامصيبتى عبد الواحد مات .. ياحبيبى ياأخويا .. مكنش يومك ياسبعى
ياستى ده مات من تلاتين سنة
تلتين سنه .. ده العمر بيجرى ياولاد تصدق ولا حسيت بيهم ياللا أهو غار فى داهيه قطع وقطعت سيرته .. ده كان بخل الدنيا فيه .. ان ما عمره دخل عليه ببطيخة ولاكيس جوافة
ياستى حرااام عليكى أذاكر بقى
يوه .. وأنا ماسكاك ياوله .. ذاكر ... ذاكر عشان ربنا يكرمك وتنجح وتاخد الدبلون
دبلون إيه .. اسمه البكالوريوس
أنت بتضحك عليه ياوله .. اسمه الدبلون .. الواد ابن فايزة جدع زيك كده فى مدرسة التجارة وخد الدبلون
خلاص دبلوم دبلوم سيبينى بقى عشان أذاكر
ذاكر .. ذاكر يا أخويا ذاكر ... تعرف ياواد ..ندرن عليا يوم ماتنجح لأكون رايحه خاطبالك عبير بنت رئيسه دى ايه ياواد .. أدب وأخلاق .. وعلام كمان
ياستى عبير دى معاها إعدادية
وماله يابنى ... الراجل ما يعبهوش إلا جيبه
راجل ... راجل مين ... عبير دى بنت
عبير ... عبير مين ياوله .. انت بتعرف بنات من ورانا
لا إله إلا الله أبوس رجلك أرحمينى بقه
طب ذاكر ذاكر جتك نيله وانت طالع براوى كده زى أمكقطعت وقطعت سيرتها...أنامش عارفه أبوك كان اتجوزها على إيه .. حكم ... قال لبس البوصة تبقى عروسة .. بس والله لأكون مبوظه الخطوبة دى ومجوزاه أنيسة بنت أختى
خخطوبة إيه .. أبويا متجوز أمى من خمسة وعشرين سنة وبعدين أنيسة دى بنت أخوك مش بنت أختك .. وأساسا إنتى ملكيش إخوات بنات
صحيح ياوله .. أنت عندك حق أنا مليش أخوات بنات .. أصلى أنا امى ماكنتش بتخلف صبيان
حراااااام ستى ماتطلعى البلكونة شويه ... ده الهوا حلو بره ..
لأ ياخويا فى جدع كده حليوه وشعره مسبسب فى البلكونه اللى فى الوش بيقعد يعاكسنى
خلاص روحى المطبخ ... أهو زمان أمى خلصت الرز ..
رز ... رز إيه يابنى * هوأنا ليه سنان للرز ... أناهطلع البلكونه أحسن ..
طب أبقى خلى بالك م الهوى ياستى
هوى لما يلطشك
» تاريخ محافظة بنى سويف
» أهم مواقع الاثار بمحافظة بنى سويف
» اشهر ابناء محافظة بنى سويف
» لؤلؤة مـــــــصـــــــــر
» أنا من سوهاج وحبيبى من بنى سويف
» اغتيال السادات على يد ابناء مصر
» عقوبة جريمة التشهير بالآخرين عبر الإنترنت كجريمة معاص
» السادات يلقي بيان وفاة جمال عبد الناصر