نكــــت خفــيـــفيـــه

ياحرامى الفراخ
مره حرامى سرق فرخه وراح يكلها على شط النيل فشافه عسكرى وقل له مسكتك ياحرامى الفراخ ، والريش جنبك اهو ... فقال له الحرامى لا ياشويش دى نزلت تستحمى وقالت لى خلى باللك من هدومى

بطاطس
تلت حرامية دخلوا عشان يسرقوا شقة فصاحبها جه فجأة فاستخبوا فى اشولة فصاحب البيت ضرب برجله ع الشوال الاولانى فالحرامى عمل صوت الفراخ جه ع الشوال التانى فخبطة فالحرامى عمل صوت المعيز جه ع الشوال التالت خبطة مطلعش صوت فقعد يخبطه ميطلعش صوت فالحرامى زهق وطلع من الشوال وقالة اية ياخى بطاطس بطاطس انت مبتفهمش

فردة رجل
صرصار في العنايه المركزه بيسال صرصار جمبه بيقولو بيرسول برضه........؟ قالتله لا فردة رجل

الندل وزوجته
واحد ندل جيرانه خبطوا عليه بالليل وقالوله ماتشربش مياه من الخزانات لانها ملوثة دخل ينام فمراته بتسأله فى ايه قالها مافيش حاجة اشربي و نامى

البرد
سألو واحد بخيل: تعمل ايه لو الدنيا برد؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله

كلمتي زي الساعة
عريس بيقول لعروستة لازم تعرفي ان كلمتي في البيت زي الساعه بصتلو بنظرت غضب...قالها يعني لا بتقدم ولا بتأخر

واحد أخنف
مرة واحد قابل واحد اخنف فسالة قالة "انت بتشتغل اية؟" فرد علية الاخنف وقالة "فننان" قالة "يعنى بتغنى" فرد الاخنف "فننان" فرد الاخنف "فننان" قالة الراجل "يعنى اية بتمثل؟" يعنى فرد الاخنف قالة "لا فننان يعنى بحت العيش فى الفن"

العد
واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... أخونا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...كبس عليه النوم ? قـام جري غـسـل وشه ورجــع للـسـريـر يـكـمـل الـعـد

حامل
مرة واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسة المدرس سأله:انت عندك اخوات؟ قاله:كان عندي واحد بس ماما أكلته

عقد زواج
واحد متجوز وقاعد في البيت وبيبص كتير في عقد الزواج مراته قالت له: بتبص في عقد الزواج ليه يا حبيبي؟قالها: مش عارف يا حياتي المأذون كتب تاريخ انتهاء العقد فين