الرئيسية
أحدث الصور
التسجيل
دخول
من طرف 
ص يا سيدى الفته ممكن تكون باللحمه بالحمام بالكوارع المهم من كل ده الشوربه
حنعمل اسهل شيئ وهى فته اللحمه اوكى
نسلق اللحمه ازاى بقى
نجيب اللحمه ونجيب ميه مغليه فيها ملح وفلفل وبصله (بحالها) وحبهان وورق لورو ونحط اللحمه (بعد الميه ما تغلى ونسيبها لحد متستوى (كل شويه تشوف الريمه اللى بتتكون وتشيلها لانها بتخلى اللحمه مش حلوة
سلقنا اللحمه دى اول خطوة
تانى خطوت تعمل رز مصرى عادى بس من غير شعريه (ابيض ) لو مش عارف ازاى قولى
تالت خطوه نجيب عيش بلدى ونحمصه فى الفرن شويه لحد ما ينشف
دلوقتى الرز جاهز والشوربه والعيش ازاى بقى نحطهم على بعض شوف يا متوحد
تجيب باريكس او صينيه وتحت تحط العيش البلدى (بعد ما تكسره) وتجيب شويه شوربه وتحط عليه علشان يطرى بس مش تكتر يادووووب تغطيه وبعدين تجيب الرز الابيض وتغطى بيه العيش كله وبعدين تجيب شوربه تانى وتحط عالرز علشان برده يتشرب
كده اهم شيئ اتعمل ناقص التقليه بتاعت التوم والخل ودى بسيطه خالص حتجيب راس توم وتتقشر وتتفرم وسمنه وتحمرة فيها بس مش لحد ماللون يغمق خالص وبعدين تضيف قد تلت كوب خل او اقل حسب الكميه اللى حتعملها وتطفى عليه
ملحوظه : اوعى توصل التوم والخل للغليان لان ده بيمرر الخل يبقى الافضل تطفى النار ثم تضيف الخل اوكى
وبعد كده بشويه شوربه تانين تحط على التوم والخل وتوزعه على كل الصينيه عشان الطعم يكون واحد ليها كلها
اما اللحمه يا تحمرها بره بسمن عادى او تحطها على وش صينيه القته وتدخلها قد 10 دقايق الفرن مش اكتر وتطلع تاكلها وبالف هنا وشفا يا فاندم وافتكرنى وادعيلى
مع الفته ممكن تعمل سلطه زبادى بخيار لان الزبادى طعمه بيكون حلو معاها
» تاريخ محافظة بنى سويف
» أهم مواقع الاثار بمحافظة بنى سويف
» اشهر ابناء محافظة بنى سويف
» لؤلؤة مـــــــصـــــــــر
» أنا من سوهاج وحبيبى من بنى سويف
» اغتيال السادات على يد ابناء مصر
» عقوبة جريمة التشهير بالآخرين عبر الإنترنت كجريمة معاص
» السادات يلقي بيان وفاة جمال عبد الناصر