استشاره طبيه

اولا السلام عليكم ورحمة الله وبركاته وثانيا صبااح الورد وثالثا بقى احب اعرف هو الكشف بكام لانى مش بحب حد يبقى ليه عليا حاجه ماشى يادكتور ورابعا ادخل فى الموضوع الى عوزاك فيه انا من شهر تقريبا تعبت ورحت للدكتور قلى عندك حصوه على الكله وعملت اشاعه الدكتور قلى مش محتاجه عمليه والحمد لله بس اتحجزت فى المستشفى كام يوم وادانى علاج مشيت عليه وكل حاجه ونظام الاكل قلى ابعدى عن الاملاح والمسبكات قلتله ماشى خدته على قد كلامه اسبوع وبعدين عادت رجعت زى ماكنت اكل الى عوزاه فياريت حضرتك تقلى ممكن الحصوه تكبر معايا ولا ايه الحكايه وهمشى على الى هتقلى عليه والايام دى رجلى بتجعنى كتير قوى ونفس النظام جنبتى بتشد عليا ومش عارفه من ايه الحصوه ولا الاملاح ومعلش طولت عليك***تفضل بقبول جزيل الشكر والاحترام*** وجزاك الله خيرا***

و عليكم السلام ورحمة الله و بركاته الاخت موغا
على فكرة أنا اللى بيأخذ استشارة طبيه منى لازم يصلى على النبى عشر مرات ويدعيلى دعوة من القلب و كده يبقى ماليش عندك حاجة
ندخل فى الجد بقى انا بشكر حبيب قلبى أحمد عبيد على مدى الحب اللى أظهره للجميع على فكرة يا جماعة الراجل ده لو طال يبيع هدومه على أصحابه يبيعها و يقعد من غير هدوم ههههههههههه والراجل ده أقنعنى بفكرة اقامة عيادة المنتدى للاعضاء حبا فى اعضاء المنتدى فاشكره على ذلك
من المبادئ التى أحارب من أجلها منذ سنوات من خلال تعاملى مع مرضاى ان أغير من تفكير المريض المصرى و أغير الفكرة السائدة انه مريض متخلف على عكس المريض الغربى فهو مريض مثقف طبيا على درجة دكتور كما يقولون لذا قررت اقامة موقعى الطبى المعروف باسم موقع الدكتور عماد فاروق محيلبه وأهدف من خلاله عرض محاضرات طبيه باللغة العربية للعامة من غير المتخصصين فى الطب لرفع الوعى و الثقافة الطبية للمرضى المصريين فعادة أنا من خلال تعاملى مع المريض أحاول أن افهمه ديناميكية المرض لكى يحسن التعامل معه و يرزقه الله الشفاء
انا أسف يا موغا للاطالة ولكن هذه دباجة كان لابد منها
الاستشارة الطبيه لموغا
موغا قالت انها عندها مشكلة حصى و لكن لا تستدعى عملية كما قال لها الاطباء وان الطبيب المعالج قالها ابعدى عن الحوادق و المسبكات و لكن هيه أهملت الموضوع ده فعاودت الاعراض الظهور معها فماذا تفعل ؟
معلومات لابد منها :حصوات الكلى أنواع هى حصوات تتكون من ملح الاوكسالات الناتج من كثرة أكل المانجة و الفراولة و الطماطم و الحوادق و الشاى و السبانخ أو من ملح اليوريات الناتج من كثرة أكل اللحمة الحمرة و الفول وقد يظهر مع وجود ملح اليوريات وجع فى الكعب

فعلاجك اختى موغا ان نعرف نوع الملح المكون للحصوات عندك ونتجنب مسببات زيادته
فأول شئ أطلبه منك عمل تحاليل بول لمعرفة نوع الملح

لو oxalate
epimag eff كيس فوار على نص كوب ماء

لو urate
ياخد uroslolvin eff كيس فوار على نص كوب ماء
فى الحالتين مبيبطلش الفوار الا ذا اعاد التحاليل وطلعت سليمه

ثانيا ابص على نسبة الصديد فى التحليل وأقررمن خلال النسب الاتيه أخذ مضاد حيوى اسمه ايه
لو pus
اقل من خمسه ميخدش حاجه
لو عدد الصديد من 5 ل 30 ياخد uvamine retard cap
لو الصديد من 30 ل 50 ياخد ciprofar 500 cap
ثالثا النظام الغذائى الجيد و أنا لم أرى أجمل من هذا النظام الغذائى الجميل الذى يتبناه اساتذة الطب فى جامعة الازهر امشى عليه و قوليلى صحتك عامله ايه بم بم ان شاء الله هنزله دلوقتى
رابعا لو فيه الم خذى الحقنة دى عند اللزوم voltaren amp
لو عاوز أى عضو أى مساعدة ممكن يتصل بيه تليفونيا 0182491126
أنا أسف للاطالة أخوكم الدكتور عماد فاروق محيلبه[/img]

أنا اسف نسيت النظام الغذائى و هو من خلال اللينك التالى و ياريت تحافظى عليه واعادة الكشف بعد أسبوعين
https://2img.net/r/ihimizer/img390/3844/20090731090.jpg

السلام عليكم انا بشكرك جدا يادكتور عماد وباذن الله هو انا كنت باخد فوار بس نسيت اسمه هشوفه وهقلك عليه وبالنسب للدكتور ده هاجله دلوقتى لانى فيه شويه ظروف كده وبالنسبه للاكل همشى زى ماانتا قلتلى ومتشكره ليك جدا وبشكر الاستاذ احمد